YFU Switzerland

Half year through

Hei… ah alli wo de Blog lese oder werde lese.

Ih ha fang 1 Biitrag erstellt, bevori bi gange… uh ja es duet mer leid hani ni vill me gschribe aber ih ha vergesse wie me uf di Siite chunnt u wie me sech aameldet haha.

Also hie e zemmefassig vo dene füf mönet woni bis jz hie bi gsii.

Woni hie in Houston aacho bi, isch alles super gsii u ih het d’Schuel am 21.08.2017 seue aafange. Aber wie dr sicher ghört heit isch Harvey cho. E Hurricane. Es het unzähligi Fluet Warnige geh u oh unzähligi Tornado Warnige. Ah eim Tag fasch jedi Viertelstund eini. D’Schuel isch fr 2 wuche cancelled worde.

Wo d’Schuel ner aagfange het bini recht erliechteret gsii. Aber mi erst Schueltag isch nid mini besti Erfahrig gsi. Ih ha inere Lektion wo mer nüt hei gmacht emene Kolleg vor Schwiiz quasi hülend aaglüte wüui eifach niemer kennt ha u eifach verunsicheret bi gsi. Ner mit dr Ziit hani mi mit es paar Lüt aagfründet. Es isch ni eifach gsi mini Lüt z finde ire Schuel mit 2500 Schüeler. Aber we me se ner het isch dr Schuelalltag hie nüm so langwiilig.

Ih ha aagfange Softball z’spile und ih liebes. Ih spieles mit Herz u Seel u es macht mer ungloublech vill spass. 

Nach Halloween chunnt Thanksgiving. U Thanksgiving isch eppis woni no nie erlebt ha. Alli si bi ihrne Familie u gniesst d Ziit eifach. Ih bi mit mire Gastfamilie, wo fr mi jz wie e zwöiti Familie isch, uf Las Vegas. Ih ha mis Muul fasch nüm chönne zue tue. Es isch wunderschön, vorallem d Natur drum. 

Nach dr Wuche Ferie isches ner nur no vier Wuche bis Wiehnachte gange. Ir letzte Wuche vor de Ferie hei mer Semsterabschluss Prüefige gha. Und als Junior ir Highschool cha me vier vo sibe Fächer excempte. Ds heisst so vill wie striiche. Ih ha also vo mine sibe Fächer nur drü Finals müesse schribe. Mini Fächer si Algebra, Tanze, Anatomie, Spanish, Us History, Englisch u Softball. Ih ha  Algebra, Anatomie, Us History u Englisch gstriche. Somit hani ganz ehrlech nüt glernt fr die Finals. Spanisch isch sooo eifach obwohl ih’s no nie ich mim Lebe ha gha. 

Mini Gastfamilie isch mit mir uf Ohio fr d’Wiehnachtsferie, wüu dert d’Familie vo mire Gastmuetter lebt. Mir si dert here mit em Outo. Zwöi Täg simer düre gfahre. Vo Texas uf Ohio, u zwöi Täg wider zrück. In Ohio isches aber iischalt gsii u ih, so gschiid wieni bi, ha ke Winterjacke mitgnoo wüu Texas ja nur warm isch. Aber mini Gastschwöster het mer e Jacke gleiht. 

U jz bini da, am dritte Januar 2018 u ih realisiere gad, dass mis halbe Uustuuschjahr scho verbii isch u dasses ungloublech schnell isch gange. Es chunnt mer aber irgendwie gar ni so vor wie es halbs Jahr. 

Ih ha vill mitbecho was ih mim Deheime ir Schwiz so louft aber ih weiss, dassi oh ungloublech vill ha verpasst, oder ni ha chönne fr mini Fründe da si wienis gern het weue si. Aber als Uustuuschschüeler muesch ds eifach wegstecke u drmit klar cho. Es isch ni eifach u ganz sicher ni eifach z’wüsse, dass epper wo dir sehr am Herze ligt am liide isch. Sigs jz wüu epper se verletzt het oder ob di Person selber gad Problem mit sich selber het. Me wott da sii aber me weiss me chas ni. Es bricht mir z Herz wenni merke, dassi ni fr epper da cha si wieni müesst oder möcht. Aber mi Gastvater seit mer eifach immer „suck it up, Cupcake“. Jedes mal weni ih dere Situation bi segi mer ds, u ih chume drüber weg. Jedes mal.

Woni da here bi cho, isch alles woni gmacht u denkt ha angersch gsi. Ih merke selber wie sehr ih mi selber veränderet ha. Ih denke angersch. Ih denke angersch vo lüt, weiss meh wieni ire Situation z’agiere ha. Ih weiss meh wasi verdient ha u wer mi verdient het oder wen ih verdient ha. Ih weiss jz wasi mir darf biete u wieni mit Persone muess umgah wo mir im Weg stöh. Wüu am Schluss chunnts druf ah was du machsch u wie du di verhaltisch. Versuech ni anderi z’ändere wenn du nimal weisch wo z’Problem isch. Chum mit dir ids reine u ner due gezielt arbeite. Ih ha mir am aafang vom Jahr fr alles wo falsch isch gloffe d’Schuld geh, wobii ih gar nüt ha drfür chönne. Ih weiss ni wie d’Lüt woni kenne u wo mi kenne  uf mi werdereagiere weni zrück chume. Aber ih weiss es chunnt so wies muess. 

Merci dass du dr ganz Blog hesch glese und wenn du e Zuekünftige Uustuuschschüeler bisch…

Du wirsch mengisch denke „Was machi hie, bini eigentlech dumm?“  Aber gloub mer. Es isches wert. Oh wenns ih dem Moment ni so schiint. 

Love, Camille Zaïra <3

 

16 days until I go away

Hi, everyone

In a bit more than two weeks I’ll fly into a new life, new lifestyle, new home. I’m very excited but also a bit scared. I mean I know nobody over there and everything will be new. Now I’m sitting on my bed, it’s 08.32 pm where I come from, and I’m thinking of what I want to do these last two weeks. I want to spend as much time with my friends as I can but don’t want to neglect my family either. Normally I would do everything to be with anyone but I don’t have enough time for that.

I get excited when I think 0f the new experiences I’m going to get and this is one of the most precious gifts and it’s free. You don’t need any money to make experiences.

I hope you’ll have an amazing start in your exchange country and I’ll try to blog as much as I can 🙂